HISTORIA zein bestelako ISTORIOAK auzokideengana hurbiltzeko HORMARIK GABEKO IKASGELA
2016(e)ko ekainaren 15(a), asteazkena
2016(e)ko ekainaren 9(a), osteguna
Asier Murillo-ren MILAN MAN supereroia
NANOKOMIK proiektuarekin, CIC nanoGUNE eta DIPC nanozientzia eta materialen zientzian espezializatutako ikerketa zentroek, lehenengo nanofikziozko komiki partehartzaileran sorrera dute helburutzat 2016 urtean. 12 eta 18 urte bitarteko gazteek sorkuntza prozesu libre batean parte hartu dute nanobotereez baliatzen den superheroia sortuz. Honetan Mendillorri BHIko Asier Murillo ikasleak eskuratu du bigarren saria, bihar, ostiralean, Donostian jasoko duena. Bai, gure Asier, DBH-4Lko ikaslea. Beraz, gure Txoko honetatik, zorionak eta txalo zaparra da, ikasturtea bukatzeko era polita, zalantzarik ez.
Hemen duzue Asier-ek sortutako Milan Man supereroia, txiroen laguntzailea, migranteena ere, jakina! Bere nanopotereak erabiltzen ditu gaizkileei aurre egiteko. Bere jantziak formaz aldatzeko gaitasuna du, tirabike forma hartu, edo eskailera forma besoekin hartu, etab.
Egilea: Asier Murillo, 2016 |
2016(e)ko ekainaren 8(a), asteazkena
Mendillorriko Ikasle Eguna 2016
Ikasturtearen azken egunak. Egunerokotasuna batzutan motel eta astun badirudi ere, behin helmugara ailegatuta, atzera begira eta... zein azkar joan den, ezta? Ekainaren 16an agur esango diogu ikasturteari, baina mila aukera eta bat gehiago izango dugu burua astintzeko, Mendillorriko Ikasle Eguna, esate baterako. Ez gelditu etxean!
2016(e)ko ekainaren 6(a), astelehena
Mendillorriko DBH-4L Iruñeko Udaletxean
Gaur Diario de Noticias-en atera gara, hau koadrila ederra! Bai, aurreko hilean Iruñeko ibilaldi historikoa prestatu nien DBH-4Lko ikasleei. Zintzo-zintzo ibili ginen 8:30etan ikastetxetik atera genuenetik 13:15etan itzuli ginen arte. XIX. eta XX. mendeetako Iruñea izan genuen aztergai: Argako emakume garbitzaileak, Arrotxapeko larru-ontzaileen auzoa, zezen plazako armarri errepublikazalea... eta José Rodríguez Medel komandantea lagundu genuen Kapitanian Molarekin bildu zenetik, altxamenduari ezetz esateagatik San Frantzisko plazan tirokatu zuten arte. Hamaiketako baino lehen, Udaletxerako bisita izan genuen, argazkiak jasotzen duen unea hain zuzen; hori bai, lau lagun falta dira, bi ez ziren hurbildu, eta beste bi argazkilariaren atzean dira, horiek lotsatiak! Gora DBH-4L. Mila esker zuen ondoan izateko aukera eman izanagatik, plazerra izan da!
Diario de Noticias, 2016-ekaina-6. |
2016(e)ko ekainaren 5(a), igandea
Muhammad Alik borrokatzeari utzi dio
Asteburuero bezala, altxatu eta postontzira joan naiz Berria egunkariaren bila. Honetan euskaldunon egunkariari esker, haurtzarorako bidai laburra bezain goxoa egin ahal izan dut. Zortzi-hamar urterekin, boxeoa ikusten ez bagenuen ere, guztiok nahi genuen Cassius Clayn izan. Jakin gabe, nik bederen, Muhammad Ali boxeolari beltzak bere "esklabo izenari" uko egin ziola. Eta, noski!, jakin gabe lan handia egin zuela beltzen eskubide politiko eta sozialen alde. Hona hemen Julen Etxeberriak idatzitako artikuluaren hainbat zati:
Muhammad Ali, 1967. |
[...] Aliren
heriotzak boxeoaz gaindi egiten du, Ali ez baitzen bakarrik kirol
horretan ikur nagusia, AEBetako historiaren ikurretako bat ere izan
zen. Izan ere, ringean ez ezik, ringetik at ere zeresana eman zuen.
Batetik, 1964an, lehen aldiz Munduko Txapelketa irabazi berritan,
islamera bihurtu zen. Denbora zeraman Malcom X-k gidatutako Islamaren
Nazioa mugimenduan sartuta, beltzen eskubideen alde borrokan. Baina
pauso bat gehiago eman nahi izan zuen. Horrela, bere «esklabo
izenari» uko egin, eta Cassius Clay Muhammad Ali bilakatu zen.
Islamera
bihurtu izanak hautsak harrotu zituen, baina are gehiago harrotu
zituen hiru urte geroago Vietnamgo gerran borroka egiteari uko egin
izanak. Alik «kontzientzia arrazoiak» argudiatu zituen erabaki hori
hartzeko. Ez zioten barkatu, eta gupidagabe zigortu zuten: batetik,
bost urteko espetxe zigorra ezarri zioten —azkenean ez zen joan
kartzela—; bestetik, hiru urtez borroka egiteko debekua jarri
zioten, eta ordu arte irabazitako titulu guztiak kendu zizkioten,
tartean hiru urte lehenago Sonny Listoni irabazitako pisu astunetako
Munduko Txapelketakoa.
1970ean
itzuli zen lehiara, helburu bakarrarekin: kendu zioten titulu guztiak
berreskuratzea [...]".
* Artikulu osoa:
2016(e)ko ekainaren 1(a), asteazkena
Mohamed Abdelaziz SEAD Saharako Errepublika Arabiar Demokratikoko presidentea hil da
Hurrengo astean Saharako Errepublika Arabiar Demokratikoa aztertuko dugu, eta prozesu historiko horrekin amaiera emango diogu ikasturteari. Komunikabideetan gutxitan azaltzen bada ere, gaur goizean Mohamed
Abdelaziz SEAD Saharako Errepublika Arabiar Demokratikoko presidentearen heriotzaren berri izan dugu.
Argazkia: Kristina Berasain, Berria, 2015-azaroa-15 |
Medikuntza ikasi zuen,
baina bizitza osoa eman zion bere herriaren askatasun borrokari,
gerrillari gisa hasieran, eta agintari gisa azken urte luzeetan. Eta
borroka horren xedea lortu gabe hil da 68 urte zituela. Jaioterri librera itzuli
ezinik itzali da. Deserrian. Familia nomada baten semea zen.
Ezkonduta zegoen, eta zazpi seme-alaba zituen.
Kristina Berasainek gaur Berrian argitaratutako artikuluan dioen bezala, "Mohamed
Abdelazizek (Smara, Mendebaldeko Sahara, 1948) gazte zenetik parte
hartu zuen askapen nazionaleko mugimenduaren sorreran. Artean
Espainiako kolonia zen Mendebaldeko Sahara. BERRIAri iazko azaroan
emandako elkarrizketan kontatu zion nola fronteko lehen lerroan
zegoen okupazio indarrekin izandako lehen borroketan: «Fronte
Polisarioa 1973ko maiatzean eratu genuen. Ni, ordurako, borroka
armatuan nengoen». Hegoaldeko eskualdean egotea egokitu zitzaion;
garai hartakoak zituen gorputzeko bi bala markak.
El-Uali
Mustafa Saieden Fronte Polisarioko sortzailea ekintza militar batean
hil ostean hartu zuen Abdelazizek haren lekukoa, 1976. urtean. Fronte
Polisarioak iazko abenduan egindako kongresuan berretsi zuen azkeneko
aldiz idazkari nagusi karguan. Bere agintaldian, 1991n, su-etena
adostu zuen Polisarioak Marokorekin. Baina su-etena sinatu eta 25
urtera autodeterminaziorako erreferendumak gauzatu gabe jarraitzen
du. Abdelazizek diplomaziari eman dio beti lehentasuna, nazioartean
kausa ezagutzera emanez, eta bere herriaren borroka basamortuko
gerratik korridoreen negoziazioetara eraman du; auzia oraindik ere
deskolonizazio prozesuan dago nazioarteko zuzenbidearen ikuspuntutik".
Harpidetu honetara:
Mezuak (Atom)
-
Jakinarazi digute badugula teknikari berria , Iñaki ordezkatu duena. Mendillorriko BHIko bi eraikinetan ez ezik, beste lau ikastetxeetan er...
-
2014an Berria n argitaratu zen Edu Lartzangurenek Extefana Irastorza poetari egindako elkarrizketa. Bertan Extefanak kontatzen digu be...
-
Tasio margolariak Nazioarteko Harremanetan murgildu gaitu gaurko komiki-tiran. Tasio , Gara , 2017-08-27