Mendillorri BHIk bat egin du Hezkuntza Departamentuak eta Bakearen, Bizikidetzaren eta Giza Eskubideen Zuzendaritza Nagusiak abiatutako Memoria duten Eskolen Sarearekin. Ikasturte honetan, aukera paregabea izan dugu exhumazio bat ezagutu eta bertan parte hartzeko. Izan ere, Nafarroako Gobernuak eta Eguesibarko Udalak, Aranzadi zientzia elkartearekin elkarlanean, lurpetik atera zituzten 1936ko kolpe militarrean fusilatutako sei pertsonaren gorpuzkiak. Etxalatz herritik hurbil egin zuten aurkikuntza, lekuko baten informazioari esker. 81 biktimaren gorpuzkiak atera ditu gobernuak legealdi honetan.
Mendillorri BHIko ikasleak Etxalatzen (2018-iraila-26) Argazkia: Nafarroako Gobernua |
Hasiera-hasieratik sorpresa izan zen nagusia, aurretik antolatu gabeko ateraldia izan baitzen. Maialenek gogoratzen duen bezala, "Oso
interesgarria izan zen. Patio orduan esan zidaten joango
ginela, ez nekien nora ezta zertara ere,
bakarrik nekien
prentsa
eta foralak
egongo zirela.
Heldu
ginenean izugarrizko inpresioa eman zidan gorpu horiek ikusteak;
esperientzia
polita eta interesgarria izan zen".
Arantzadi Elkarteko kideak gorpuzkinak ateratzen, 2018-iraila-26 Argazkia: Nafarroako Gobernua |
Ibaik dioenez, sorpresa eta zortea, ateraldia bere taldeari (DBHko 4 I) egokitu baitzitzaion: "Asteazkenean,
patio orduan Eguesera joan ginen “txango” batera. Matematika
klasea eta gero asko poztu ginen ez genuelako espero notizia hori.
Autobusean, txangoaren plana azaldu zenigun, eta asko harritu nintzen
1936ko gorpu batzuk ikustera joango ginela esan zenigunean. Zorte
handia izan genuen gu hautatuak izan ginenean, lurperatutako gorpu
batzuk ikusteko nire lehen aldia izan zen, bakarrik telebistatik
ikusi nituelako. Iritsi ginenean, asko harritu nintzen gorpuak ikusi
nituenean, 1936an Nafarroan fusilatutakoen gorpuak baitziren.
Agureen kontakizuna interesgarria izan zen, eskolara joatean
gorpuak ikusi zituzten eta korrika joan ziren, etxera iritsitakoan
haien gurasoei ikusitakoa kontatu zioten eta beste inori ezin zioten
kontatu ikusitakoa, haien bizitza osoan
sekretu batekin bizi izan dira eta aste honetan kontatu izan ahal
digute. Haiei esker aurkitu dira gorpuak.
Gero
gorpuak hurbiletik ikusteko
eta arkeologo horiek nola
lan egiten zuten ikusteko aukera izan genuen; gehien gustatu
zitzaidan partea izan zen hori. Txango interesgarria izan zen eta oso
gustukoa".
Bestetik, hainbat ikasleri Etxalatzeko esperientziak familian izandako bizipenak gogorarazi dizkie. Mikelek berea kontatu digu: "Nire amaren osaba bat, nire birraitona eta haren
aita fusilatuak izan ziren, eta, haien gorpuak aurkituta daudenik
ere, oso gogorra da. Kasu hauetan gorpuak aurkitu gabe zeuden eta ez
dut imajinatu ere egin nahi ze latza izango den. Berriz, harrotasun
pixka bat sentitzen dut, gorpuak gutxika dela ere aurkitzen ari dira
duela urte batzuk. Asteazkenean inpresio
handia
izan zen pentsatzea hori ikusten genuen lehenetarikoak ginela eta,
aldi berean, urte haietan
gertatukoa berpiztu zidan, eta horrekin gerra batek sor dezaken
guztia".
Izarok ere badu zer esan: "Espainiako
gerra zibilari buruzko datuak, kontaketa historikoak etab, oso
gustuko ditut. Kontaketa asko entzun eta irakurri ditut, baina hau
bezalako zerbait inoiz ez dut ikusi. Familiaren
partez hainbat istorio dakizkit: nire birraitona-amonen anaietako
batek, aitaren eta amaren partez, gerra zibilean “desagertu”
ziren; oraindik ez dakigu non dauden. Nire birraitona (amaren
partez), Bilbon urte bat ezkutatuta egon zen faxista bat
hiltzeagatik. Nire birramonaren beste anaia
bat (aitaren partez) guztiz izkutatuta
egon zen “rojo” izateagatik. Beraz, gorputz horiek ikusteak
hau dena gogorarazten dit. Errepublikaren alde egiteagatik, mundu
justu batengatik alde egiteagatik, hilda daude; edo hobe esanda, hil
zituzten. Izugarrizko errespetua eta ohorea transmititu zidaten.
Harritzekoa
da, nor
ez du
harrituko horrelako zerbait ikusteak?
Niretzat ere, nola ez, egundoko esperientzia polita izan zen. Batetik, beti pozgarria baita ikasgelako hormak gainditu eta ikastetxetik kanpo ikasleekin batera ikasketa prozesuari segida eman ahal izatea. Bestetik, lekukoekin hitz egitea eta Pako Etxeberria bezalako profesionalak zuzenean lanean ikustea... zer esango dut, bada? Izugarria benetan! Ahaztu gabe indusketan topatutako lagun zaharrak, jakina!
Sentsazio eta sentimendu anitz, beraz, Iratik ere bizi izan zituenak: "Bertara
iritsi ginenean, emozionatuta nengoen. Nire lehenengo aldia zen, hori
ikusten nuena. Horrelakorik ez nuen ikusi, ez telebistan ezta
egunkari batean ere, bakarrik CSI eta horietako programetan agertzen
diren gorpu faltsuak, baina ez egiazkoak. Laster nire emozioak aldatu
ziren gorpuak ikusi nituenean. Harrituta nengoen. Azken finean, sei
pertsonen gorpuak ziren, ez zen telebistan polizia programa hauetan
erakusten dituzten gorpuen antzera. Hauek egiazkoak ziren.
Arantzadiko kideak lanean, 2018-iraila-26 Argazkia: Nafarroako Gobernua |
Agureak
azaltzen hasi zirenean zer ikusi zuten txikitan, berriro harrituta
gelditu nintzen entzutean bakarrik beraiek 5 urte zituztelarik, 6
pertsonen gorpuak ikustea, lurrean etzanda.
Gorpuak
ongi ikusteko, buelta bat emateko esan zigutenean, nire buruan
pentsatzen hasi nintzen nolakoa izan zen bizitza urte haietan.
Errespetua ematen zidan, gorpuak han lurperatuta ikusteak, baina pena
ere sentitu egin nuen, pertsona horien familiek nola pasatu zuten
pentsatzean. Jakitea edo ikustea nola eramaten duten zure familiako
bat eta, hortik aurrera, ez jakitea ezer eta seguraski pentsatzea
hilda egongo dela, oso zaila izango zen eta nahiko mingarria.
Amorrua
ere sentitu nuen, hori egin zuten pertsonengatik. Nola ahal zuten hil
pertsona bat, gorpua ezkutatu eta ez esan ezer familiari, pertsona
horri buruz. Garai horretan egiten ziren gauzek asko haserretzen
naute; pertsona bat hiltzea zure ideologia berbera ez izateagatik.
Espero
dut pertsona horien familiak aurkitzea eta agur hobekiago bat ematea".
Tira, bada, ikasleen testigantza batzuk besterik ez ditugu honetara ekarri. Hala ere, hogei ikasle horiek eta irakasle honek mila esperientzia eta bat gehiago bizi izan genituen; gehiago izanen dira, seguru.
iruzkinik ez:
Argitaratu iruzkina