Hara! 5.000 klik gainditu eta konturatu ez, hau fundamentu gutxi! Tira, bada, jarraian autoestimarako ariketa bat egingo dugu. Izan ere, 5 hilabete joan dira 2014ko abenduaren 12an Mendillorrik bazuela bere Historiaren Txokoa iragarri genuenetik: "Ikasgelen, etxeen zein auzoko bestelako guneen arteko zubia sortu nahi dugu. Irizpide kritikoa bultzatuz, eta euskaraz, hori den/k". Horrela azaldu genuen. Ederra erronka, ezta?
Blogaren alde honetan ezin gusturago gaude gure ekarpen txiki hau bideratzen. Gai piloa landu dugu: testu liburuak, auzoko jarduera kulturalak (blogean DEIALDIAK atala badugu), egutegiko data esanguratsuak, historia, geografia, arte, pedagogia, komikiak... Sare sozialetan murgiltzeko ausardiak ere bere saria izan du, egun 97 lagun baikara facebook-en. 100 lagun klik bat egiteko prest, lagun piloa elkarri irakurtzeko prest... izugarria benetan! 5 hilabetetan, 5.000 klik baino gehiago, eta euskaraz, uffa!
Hona hemen gehien irakurri diren sarrerak:
- Zenbat dakizu basoei buruz?
- "Germinal" filma: Greba baten kronika
- Dinbili, danba!... Forjarien kanta
- Termidor eta Pilako Espeka lagunak
- Mendillorri larru gorritan
Duela 5 hilabete esan genuen bezala, Txoko honetan jarraituko dugu Historiaren uretan murgiltzen, ikasle, ama, aita zein auzokide hutsa izan. Hormek ezartzen dituzten irizpide zorrotzik gabe, irakurle berak erabakiko du zein olaturi heldu, noiz eta nola. Ez galdu aukera!
iruzkinik ez:
Argitaratu iruzkina