Urri
honetan, Zabaldi Elkartasunaren Etxeak Elkartasunaren XIX. astea
aurkezten du “Siriako Gerra” izenburupean. Siriako gatazkaren
errealitatera hurbildu nahi izan du. “Udaberri Arabiarra”
deituriko matxinadak hasi zirenetik bost urte iragan dira. Orduan,
2011n, Elkartasunaren Astea eskaini zigun. Orduan matxinadetan barna
ibili ginen eta azkenean bidea egin eta botere politiko eta
ekonomikoak ikararazi zituzten mugimendu sozialetara hurbildu ere.
Gaur egun, Ekialde Ertaina, esperantza haietatik urruti, anabasan
murgildurik dago, epizentroa Sirian egonik. Siria lurralde urratua
dugu, kanpoko potentzien interes handiak eta berezko gerra zibila
direla kausa. Gatazkaren hasieratik 240.000tik goiti pertsonak galdu
dute bizitza eta haren populazioaren heren baten exodo masiboa jasan
du.
Beste
batzuetan bezala, aste honen bidez begirada kritikoa erakutsi eta
gatazka horren beste alderdiak ulertzen lagunduko diguten zenbait
gako jakitera eman nahi du. Nazioarteko interesak, kurdu herriaren
egoera eta milioi pertsonaren exodoaren drama izanen dira funtsezko
gaien parte.
Hitzaldia: "Siria: De la revuelta a la guerra civil"
Urriak
19, astelehena, 19.30etan.
Hizlaria:Santiago Alba Rico.
Hitzaldian,
gatazka siriarra azalduko digu ikuspuntu kritiko batetik, eta horrek
gerrak urraturiko herri baten errealitatera hurbiltzea ahalbidetuko
digu.
Hitzaldia (euskaraz) "Kurduen auzia”
Urriak
20, asteartea, 19.30etan.
Hizlaria: Txente Rekondo
Estatu
propiorik ez dutenen artean, herri kurdua da populazio handiena
duena. Bortxaz, estatu batzuetan daude banaturik. PKK alderdiaren
proposamenak ukiezinak ziruditen moldeak ari dira hausten Turkian eta
Sirian, baina baita Ekialde Ertaineko beste jendarte batzuetan ere.
Milaka emakumezko gaztek Rojavako milizietan parte hartu izana
emakumea bigarren maila sozial eta politikoan gelditu behar duela
dioen mitoa ari da suntsitzen.
Dokumentala eta eztabaida. "La
Revolución silenciosa"
(Zuzendariak: David Mesegueren eta Oriol Gracià)
Urriak 21, asteazkena, 19:30etan.
Hitzaldia: "Siria, la encrucijada de Oriente Medio"
Urriak
22, osteguna, 19.30etan.
Hizlaria:Teresa Aranguren
Gatazka
siriarraren konplexutasuna honetan datza: inplikaturiko alderdi
kantitate handia eta haien arteko harreman korapilatsuak.
Komunikabideen trataera munduko potentzien interes ekonomikoen mende
dago, eta horiek askoz ere kezkatuago daude botere eta kontrol kuotak
ez galtzeagatik gatazkaren ondorioengatik baino.
iruzkinik ez:
Argitaratu iruzkina